Tinchlik qadri tarannumi El mehrini qozongan adib, O‘zbekiston xalq yozuvchisi Oʻtkir Hoshimovнинг Tushda kechgan umrlar асарида afgʻon urushi voqealari va urush qatnashchilarining urushdan keyingi ruhiy kechinmalari bosh qahramon Rustam obrazi orqali yorqin va ta’sirchan tasvirlangan. Muallif urushning inson taqdiriga, ruhiyatiga va jamiyat hayotiga ko‘rsatgan og‘ir ta’sirini chuqur badiiy tahlil qiladi. Asarni mutolaa qilgan kitobxon tinchlikning naqadar buyuk ne’mat ekanini yana bir bor anglaydi va qadrlaydi.

Yuraklarni titratguvchi, larzaga solguvchi ushbu roman sevgi haqidagi hazin qo‘shiq kabidir. Pokiza qalbning yaralangan muhabbati hijron damlarida yonib-olovlanib, oqibatda muhabbat sohibi yosh Verterni xazon qiladi. Har satri sevgi bilan limmo-lim bo‘lgan, iztirobdan yaralgan maktublar shaklida roman qo‘lingiz to‘ridan o‘rin olishi aniq.

Vatanining mustabidlar zulmidan ozod bo‘lishini, millati farzandlarini sharafga to‘lganlar qatorida ko‘rishni orzulagan xalqimizning qalbi uyg‘oq farzandlari - «jadid adabiyoti namoyandalari» bugun yana o‘z o‘quvchilari bilan yuzlashmoqda. Xalq maʼnaviyatini boyitish yo‘lida olib borilgan kurashlar, milliy matbuot, adabiyot va teatrning odamlar tafakkurini oshirishdagi ahamiyati haqida asarlarida kuyunib yozgan, bu borada fidoyilik ko‘rsatgan, alaloqibat qatag‘onga uchraganlar haqida so‘z borarkan, Abdulla Qodiriy, Abdurauf Fitrat, Abdulhamid Cho‘lpon, Abdulla Avloniy, Mahmudxo‘ja Behbudiy, Munavvar qori Abdurashidxonov, Usmon Nosir, Isʼhoqxon Ibrat siymolari ko‘z oldimizda gavdalanadi. Ular o‘z asarlarida ko‘targan muammolar hamon bizning qarshimizda bo‘y ko‘rsatib turibdi. Biz hamon «millatni uyg‘otish uyg‘onganlarning vazifasi» degan chorlovga munosib javob qaytarolganimiz yo‘q. «Jadid adabiyoti namoyandalari» ruknida tayyorlangan kitoblarimizni o‘qir ekan, kitobxon o‘zini shu vatanning ongli fuqarosi, vatani va millati taqdiri uchun masʼul inson sifatida namoyon qilishga o‘zida jurʼat topadi.

Haqiqiy dunyo biz o'ylagandek emas, aslida. Bazan o'zimiz istagan hayotda yashamayotganimizni his etamiz. Go'yo Matrisada nosozlik yuz bergandek: yolg'izlikdan, hayotning manosizligidan aziyat chekamiz, chin istaklarimizni anglay olmay qolamiz. Boshqa, eng yaxshi hayotda yashashni xohlaymiz. Biroq, buni qay tarzda amalga oshirishni bilmaymiz. Gap shundaki, bizga baxt, muvaffaqiyat va sevgi haqida juda ko'p so'zlangan, biroq quvonchli hissiyotlar vaqtincha ekanini, muvaffaqiyat aslida chetdan ko'ringanidek emasligini, har qanday extiros esa, pushaymonlik bilan yakun topishini aytib, hech kim bizni ogohlantirmagan. Haqiqat bu. Kimdir "qizil dori"ni qabul qilishga tayyor, kimdir esa, o'zini "ko'k dori" - illyuziya va jaholat bilan zaharlashda davom etadi. Darvoqe, "ko'k dori"ni hattoki tanlashga ham hojat yo'q-ku, bu bizga tabiatan xos. Biroq, "qizil dori"ni, yani haqiqatni tanlash, qabul qilish, hazm qilish va murakkab ichki o'zgarishni boshdan o'tkazish kerak. Tabiiyki, mas'uliyat tanlov qilayotgan insonda bo'ladi.

Har qanday, boz ustiga ijodkor inson hayotida bo‘lganidek, muhabbat kechinmalari Dostoyevskiy ijodiga shubhasiz taʼsir ko‘rsatgan. Dostoyevskiy o‘zi sevgan ayollarning, masalan,Mariya Dmitriyevnaning fazilatlarini asarlari qahramonlari: Katerina Marmeladova, Katerina Verxovenskaya va Nastasya Filippovnaga singdirib yuborgan.

Eʼtiboringizga havola etilayotgan roman – “Telba”ni turli millatga mansub minglab, millionlab kitobxonlar sevib mutolaa qiladilar. Nashriyotimiz tomonidan taqdim etilayotgan bu yirik asar 35 yillik tanaffusdan so‘ng o‘z o‘quvchilari bilan qaytadan diydor ko‘rishdi. Asarning qimmati nimada? Nima uchun “Telba”ni o‘qigan kitobxon daho ijodkor – Dostoyevskiy ijodiga qayta murojaat qilishga o‘zida kuchli maʼnaviy ehtiyoj sezadi? Kitob qahramoni telba, darvish bo‘lgani holda o‘quvchini qaysi jozibasi bilan o‘ziga tortadi? Javoblar bisyor. Hamma zamonlarda bo‘lgan, hamma zamonlarda uchraydigan – manfaatparast, boylikka mukkasidan ketgan johillar orasida yashab, insoniylik mohiyatini saqlab qolgan, odamlarga hamisha hamdard bo‘lolgan, buyuk qalbi bilan yashagan knyaz Mishkin (telba); hayotining o‘ta murakkab va mushkul damlarida zohiran juda go‘l va zaif ko‘ringan qahramonimizga qalban muhtojlik sezgan Nastasya Filippovna, Aglaya kabi asarning tayanch qahramonlari mutolaa yakuniga qadar o‘quvchining diqqat markazida turadi. Romanning yozilganiga yuz ellik yilga yaqin fursat o‘tgan bo‘lsa-da, undagi qalbni poklashga bo‘lgan daʼvat, tuyg‘ularni eʼzozlash, har qanday sharoitda ham o‘zligini yo‘qotmasdan yashash kerakligi haqidagi taʼkidlar, fikrlar kitobni mutolaa qilgan har bir o‘quvchi uchun yangilik bo‘lib qolaveradi.

Joanna Ketlin Rouling: Garri Potter va afsonaviy tosh

Rus va jahon adabiyotiga katta taʼsir ko‘rsatgan adib Fyodor Dostoyevskiy to‘laqonli badiiy obrazlarda nafaqat voqealar oqimi va insonlar taqdirini, balki jamiyat maʼnaviy hayotidagi fojiaviy konfliktlarni ham bera olgan nodir isteʼdod sohibidir. O‘zining roman va qissalarida fikrlarning keskin kurashini, g‘oya va dunyoqarashning to‘qnashuvini mahorat bilan tasvirlagan. Uning asarlari vazmin tasvir uslubi emas, akcincha, sof dramatik janrlarga xos keskinligi bilan ajralib turadi. Ushbu kitobga kiritilgan dastlabki ikki asarda adib insonning ruhiy holatini haqqoniy tasvirlaydiki, shunga ko‘ra muallifni RUHIYAT RASSOMI deb atasak, hech mubolag‘a qilmagan bo‘lamiz. Kitob so‘ngida berilgan maktublarda esa yozuvchining ijod laboratoriyasidan bevosita boxabar bo‘lish mumkin!

«...Allohning borligiga eng ulkan dalillardan biri galaktikamizdir. O‘zimiz yashab turgan Yer va uning atrofidagi son-sanoqsiz yulduzlar haqida fikr yuritib, o‘ylab ko‘rsak, kishini hayratga soladigan darajada ajoyibotlarni ko‘ramiz. Ularga insof bilan nazar solgan kishining qalbida yaratuvchining ulug‘ligiga bo‘lgan iymon-ishonch ziyoda bo‘lmasdan iloji yo‘q. Qurʼoni Karimdagi ko‘pgina oyatlar ham insonni mana shu borliqning yaratilishiga, osmonu yerga nazar solib, fikr yuritishga va ularning sirlarini bilib, o‘zining iymonini baquvvat qilib, shak-shubhalarini o‘zidan yiroqlashtirishga chaqiradi....»

New York Timesʼning birinchi raqamli bestselleri. Dunyo bo'ylab 2 yilda 5 milliondan ortiq nusxada sotilgan! Sizga hayotingizni o'zgartirishda muhim bo'lgan ajoyib kitobni ona tilimizda taqdim etishdan xursandmiz. Nima maqsad qoʻyganingizdan qatʼiy nazar, ushbu kitob sizga har kuni oz-ozdan yaxshilanib borishning sinalgan dasturini taklif qiladi. Odatlarni shakllantirish boʻyicha dunyoning yetakchi ekspertlaridan bori Jeyms Klir yaxshi odatlarni shakllantirish, yomonlaridan xalos boʻlish hamda katta natijalarga olib boruvchi kichik odatlarni egallashni oʻrgatuvchi amaliy strategiyalarni ochib beradi.